Instituti për Teknologji dhe Shoqëri, ne bashkëpunim me Platforma Civikos hap thirrjen për pjesëmarrës për trajnimin në Mbrojtje të Dhënave dhe Siguri Kibernetike në kuadër të projektit “Fuqizimi i Mbrojtjes së të Dhënave Personale dhe Sigurisë Kibernetike në të gjithë Sektorët në Kosovë,” i mbështetur nga Embassy of the Netherlands in Kosovo. 
Ne po kërkojmë pjesëmarrës të kualifikuar për një trajnim të avancuar, të cilët plotësojnë kriteret e mëposhtme:
– Minimumi 3 vite përvojë pune profesionale.
– Njohuri të dëshmuara në fushën e Sigurisë Kibernetike dhe Mbrojtjes së të Dhënave
– Përvojë pune me organizata që përpunojnë të dhëna personale.
– Diplomë Bachelor ose më të lartë në një fushë relevante.
– Aftësi të forta në komunikimin verbal dhe të shkruar.
– Përkushtim për zhvillimin e vazhdueshëm profesional, duke qëndruar i përditësuar me trendet dhe rregulloret më të fundit ne mbrojtje te dhënave dhe siguri kibernetike.
– Njohuri në mjetet dhe platformat e trajnimit, përfshirë sistemet e dorëzimit virtual (p.sh., Zoom, Microsoft Teams, platformat LMS).
– Përvoja e mëparshme si trajner është shumë e dëshirueshme.
– Aftësi për të punuar me audienca të ndryshme dhe për t’ju përshtatur përmbajtjes sipas stileve të ndryshme të të mësuarit.
– Aftësi në gjuhët Angleze dhe Serbe është shumë e dëshirueshme.
Nëse plotësoni kriteret e mësipërme dhe jeni të interesuar të merrni pjesë në këtë trajnim, ju lutemi të aplikoni duke dërguar:
– CV-në tuaj.
– Diplomën që dëshmon shkollimin adekuat.
– Një letër motivimi.
– Dokumente të tjera relevante që dëshmojnë përvojën tuaj në fushë.
Aplikimet duhet të dërgohen në email: institutetechnologysociety@gmail.com deri me datën 25 shtator, 2024.
Pjesëmarrësit që përfundojnë me sukses trajnimin do të certifikohen nga TRECCERT. Kjo është një mundësi e shkëlqyer për të zgjeruar njohuritë dhe për të zhvilluar aftësitë tuaja profesionale. Ju mirëpresim të bëheni pjesë e këtij trajnimi dhe të kontribuoni në një mjedis mësimor dinamik dhe të pasur. Trajnimi ofrohet falas!
Për cfarëdo pyetje rreth procesit të aplikimit, ju mund të na kontaktoni në adresën: info@institutets.com